خذ قلبي لجروحك ولا ييجي قلبك جروح

من طرف **hala-plstn** الأحد ديسمبر 05, 2010 7:48 am

السلام عليكم ورحمة الله وبركاته .

( منقول بتصرف )

خذ قلبي لجروحك ولا ييجي قلبك جروح
يسلم قلبك اللي بكـل مـا فينـي فديتـه

وشلون ما شيل همومك وإنت للروح روح
لو ينشرى فرحك بعمري لجلك شريتـه

لو ينشغل بالك أحس كل مافينـي ينـوح
تصغر الدنيا بعيوني وكل فرحي نسيتـه

إشكي ما بك خـل قلبـك لقلبـي يبـوح
ذبحني سطر من الألـم بعيونـك قريتـه

عطني أحزانك ببني لها بصدري صروح
خلها من أسى الماضي اللي بحبي طويته

إضحك حبيبي بسمتك لي غاية وطمـوح
كن نور هالدنيا من صدى ضحكك خذيته

تبسم للأمل خل عطـره بجـوك يفـوح
ترى بعيوني غرامك أمل عمري بديتـه

إنت بناظري قمة ويبقى غيـرك سفـوح
لا عدمت نظر عيني دامك بطيفك ضويته

خذ قلبي خذ كل ما فيني ولا تجيك جروح
أنا أدري كثر ما عطيتك حقك ما وفيتـه

تحياتي .