الدرس السابع : اضافة الصور لصفحات الــ html

من طرف **{رضوان}** الخميس يناير 28, 2010 2:45 am

نبدأ بسم الله ..
شوفوا يا اخوان هذا يمكن يكون واحد من أسهل الدروس ..
لان بس في أمر واحد أساسي و كل الاوامر الباقيه تتعلق بالدروس الثانيه ..

الامر الاساسي لاضافة الصور ..
يلله نشوف هالمثال البسيط ..

كود PHP:
<html>
<head>
<title> الصور </title>
</head>
<body>
<h1 align="center">
<img src="logo.jpg" alt="logo">
</h1>
</body>
</html>

لاحظ أخي عندما ننسخ الكود و نفتحه بالمستعرض تكون النتيجه كذيه :
الدرس السابع : اضافة الصور لصفحات الــ html 951493557

راح نلاحظ أن الصوره ما تشتغل و هذا لانها أصلا مو موجوده بس أنا عملته كمثال توضيحي لا اكثر و لا اقل ..
نبدي نشرحه .. بسم الله ..
أولاً : سبق و ذكرنا تفسير الامر <h1> الي هو أمر لتحديد العناوين و تمييزها عن غيرها
ثانياً : كود:
<img src="xxxxx.yyy>

شوفوا يا اخوان هذا الامر هو الامر الاساسي في أي صوره داخل
لغة النص المتشعب و فيه متغيرين xxxxxx و تحط بدالها رابط الصوره و yyy و
تحط بدالها صيغة الصوره و عادة تكون jpg طبعا

الخصائص التي يمكن اضافتها مع أمر الصوره ..
الحين يا اخوان لاحظوا معي في هذي الشفره ..

كود PHP:
<html>
<head>
<title> وضع رابط و خصائص للصوره </title>
</head>
<body>
<a href="http://www.mtwer.com">
<img src="logo.jpg" alt=" موقع مطور " width=90 height=90 border=2>
</a>
</body>
</html>

بعد ما نحط الشفره السابقه في امتداد htm راح تصير عندنا كذا ..
الدرس السابع : اضافة الصور لصفحات الــ html 179853572

الدرس السابع : اضافة الصور لصفحات الــ html 179853572

نشرح هالشفره من الالف الى الياء ..
أول شي الامر herf تعرفوه و اذا كنت ما تعرفه راجع درس الوصلات التشعبيه
ثاني شي الامر img src شرحناه قبل شوي
ثالث شي الخصائص الي أضفناه الحين أحاول أشرحها بالتفصيل الممل ..
width = العرض و تتبعه بعلامة يساوي بعد علامة يساوي تكتب رقم تحددبه عرض الصوره
height = الارتفاع و تتبعه بعلامة يساوي بعد علامة يساوي تحط رقم تحددبه ارتفاع الصوره
alt = توضيح للصوره لو تحط الشفره هذي بالمفكره و تحفظها بصيغة htm راح تفهم أكثر
border = الحدود و عرض الحد
الحين راح ناخذ الاوامر الاضافيه ..
الامر align و يستخدم كالتالي ..
كود:
<img src="logo.jpg" align="top">

ولهذا الامر أربع خواص ..
top
bottom
middle
left
right
طبعا تحطها كالتالي ..
كود:
<img src="logo.jpg" align="xxxxx">

طبعا تلتزم بتغيير الــ xxxxx الى احدى الخواص التي سبق ذكرها ..

بعد الانتهاء من الدرس فكر في السؤال التالي :
- ما سبب اختلاف الخواص في الامر align عند استخدامه مع النصوص و عند استخدامه مع الصور ؟؟؟

و ايضاً فكر في :
- هل من الممكن عمل الصوره كــ عنوان عن طريق الامر كود:
<hn>

؟؟ أو كــ فقره عن طريق الامر كود:
<p>

؟؟

و يلله عاد أبي أشوف الاجابات فالمناقشه ..
و السلام عليكم و رحمة الله و بركاته
تحياتي : الوليد الراشدي